title 002 在東勢區有一座山安做屋背山，山下有一个大茅埔客庄，有一个姓張个阿公，張阿公對大茅埔庄个一磚一瓦、一草一木都真了解，庄項堵到麼个事情都會去請教張阿公，細人盡愛纏着佢，聽佢講故。 熱天下晝頭，天時弇熱，大家斯會在弼教堂个桂花樹下坐涼，張阿公講愛同大家講大茅埔个故，細人真懷疑問:「恩等這位有麼个故好講呢?」張阿公笑呵呵搖緊手方个扇，講起大茅埔个故事。