先遣隊中有一位堪輿師易庚麟先生，為到選出最好个庄址，跋山涉水不辭辛勞，最後選定个庄址，就係今日大茅埔庄，這段歷史到這滿異經一百五十年了。 當時易庚麟先生根據風水地理，發現屋背山山形像一隻臥緊个牛，坐北朝南頭那迴向西北氣吞大甲河，歸个沿身像彎形樣，泰興宮就建在凹入位所个龍穴上。大茅埔庄就像坐在太師椅上，左右兩廳都有靠山，面前係大甲河，係典型背山面水好地理。位所選定後斯根據當時个人口規劃出庄个大細，同時也將防禦、交通、衛生、排水、信仰…等納入整體規劃。 張阿公當欽佩講:「恩等祖先在一百零年前建庄時就做好完善个規劃，一屑都毋會輸這滿个都市計劃」。